Songtext zu 'Querschnitt' von Brandhärd

Ych gseh hip hop als ganzes und zwor mit allne aspäkt
Vo dr writer wo bombe zu dr b-boys wo tanze
Bis zum dj wo cuttet und em mc wo rapt

Für mi hett hip hop vo beginn aa schon e tiefere sinn gha
Als das möchtegärn „mir sind stars" und text ohni inhalt
Denn all die produkt wirke viel z'kalt, jä fascht scho steril
Und schade dr vielfalt weil die junge meine das isch real
Aber ych ha anderst aagfange, als chlyyne goof mit zahnspange
Han-y mini fiessli wund gloffe um an die begehrti wahr z'glange
Und bin-y denn vor em regal gstande hett's mi scho hart burnt
Wil mi chuum ha könne entscheide zwüsche all dene farbtön
Kei ahnig welli klar göhn in punkto deckkraft
Aber genau das hett mi aaturnt lang scho vor em textblatt
Buechstabe übernähme d'herrschaft und verleihe mr mehr macht
In verbindig mit allne lektione won-y bishär glehrt ha
Denn fehler macht jede, aber muesch druss die richtige schlüss zieh
Acht druf uf was duesch rede und uf dini üssrige
Au ych due gärn sprüch risse aber bhalt dr überblick
Anstatt oberflächlich z'tratsche bis mr übel isch

Ych gseh hip hop als ganzes und zwor mit allne aspäkt
Vo dr writer wo bombe zu dr b-boys wo tanze
Bis zum dj wo cuttet und em mc wo rapt

Ych mues zuegäh in sache biz bin-y eher realischt
Wil mi falsche glanz nid bländet und ych gseh was sach isch
Ych blyyb locker us absicht, denn vieli sin z'verkrampft und
In ihre saich verbisse wien e kampfhund
Sie stresse zähnefletschend, hasse sich bis uff's zahnfleisch
Anstatt sich uf dr bühni z'battle oder an dr bahngleis
Aber es fehlt s'bewusstsyy s'goht nid um bier, beef und pussies
Sondern drum was z'vermittle so dass öppis am schluss blyybt
Durch konstruktive output, unsteril und dräckig wie bauschutt
So öppis wo nid lyycht verdausch und di nochhär frogsch wohär dr rauch kunnt/ dr wäg dött aane isch holprig und das isch rächt so
Wil süscht jede trottel gold schisst trotz schlächtem rapflow
Ych weiss du wärsch gärn platinstar wenn au nur durch plagiat
Aber bevor dick party machsch muesch z'erscht mol ahnig ha
Wil ych reagier rabiat wenn ych gseh wie rap konsum isch,
Das heisst für euch konsumpflicht vo konsärvefraas wie thunfisch
Aber zum glück isch hip hop z'abstrakt als dass mr's cha vermarkte
Crews wie mir warte, denn mir hän die bessre karte

Ych gseh hip hop als ganzes und zwor mit allne aspäkt
Vo dr writer wo bombe zu dr b-boys wo tanze
Bis zum dj wo cuttet und em mc wo rapt

Ych ignorier clichees und befass mi mit em querschnitt
Wil mr hip hop mehr git als nur mentali stärki
Doch y frog mi was verkehrt isch, wenn alles unter dr tisch keht wird
Und die ganz verzerrt sicht s'bild feschtigt vo däm verschnitt
S'verändret zwor d'heads nid aber bländet dr noochwuchs
Drum üeb ych lieber verzicht und sag's no mol mit noochdruck
Vieli kids hän flows druff aber wüsse nid wie yysetze
Versände sie per notebook anstatt sich handfeschti ziel z'setze
Dr vermeindlich ruhm: virtuell, und mit tags nümme glyychzsetze
Für uns eifach toys, doch wohär sötte sie's checke
Statt sie mit disses uf yys z'legge mien mr zeige wie's lauft
Wie mr eigni beats baut und vinyl statt wheed kauft
Denn für so dumms gepose sin doch die meischte viel z'schlau
Mir mien ufkläre über graffiti , breakdance und rap
Oldschool sowie respäkt und über d'gegewart eigentlich au
Bis sich dr spreu vom weize trennt und jede si eigne mix braut