Songtext zu 'Vita Mia' von Nino D'Angelo

Quanta strada aggio fatto
pe' sagli' sta furtuna
mmiez' 'a gente distratta
io nun ero nisciuno
quanta notte scetato
pe' scala' chillo muro
mmiez' 'e figli scurdato
aggi' appiso 'a paura.
Io aspettavo a te
crescevo dint' 'o sanghe
a' musica vullente
te bruciavo a dinto
e tenive a me
comm'ultima speranza
me sentive 'ncuollo
dint' 'a tutte 'e panne.
Vita mia
mo' volo 'nzieme a te
e stu viaggio 'e canzone
m'e' data d'ammore pe' vivere
vita mia
mo' corro' 'nzieme a te
a purta' tutte 'e suonne cchiu' belle
a chi ancora add' esistere.
Quanta strada aggio fatto
pe sagli' sta furtuna
senza giacca e cravatta
accussi' so' venuto
mmiez' 'e facce 'mportante
c'hanno tuccato 'a luna
guardo areto ogni tanto
pe' capi' addo' so'ghiuto.
Io aspettavo a te
crescevo dint' 'o sanghe
a' musica vullente
te bruciavo a dinto
e tenive a me
comm'ultima speranza
me sentive 'ncuollo
dint' 'a tutte 'e panne.
Vita mia
mo' volo 'nzieme a te
'ncopp' 'o tiempo ca resta int' 'a faccia
mettimece a ridere
vita mia
mo corro 'nzieme a te
e continua stu suonno acetato
e io so' 'n'ommo cchiu' libero.
Vita mia
mo' volo 'nzieme a te
e stu viaggio 'e canzone
m'e' data d'ammore pe' vivere.
Vita mia
(io aspettavo te)
mo' corro' 'nzieme a te
(crescevo dint'o sanghe 'a musica vullente)
a purta' tutte 'e suonne cchiu' belle
te bruciavo a dinto e tenive a me
a chi ancora add' esistere
(comm'ultima speranza
ma sentivo 'ncuollo dint' 'a tutte 'e panne)